近日瑪姬於網上平台上載了首次自彈自唱的作品，翻唱盧廣仲的〈刻在我心底的名字〉，她坦言自彈自唱一直是其心願，而今次拍攝更動用了過百萬的三角琴，瑪姬表示：「雖然只係彈奏相對簡單嘅流行曲，但係都想用最靚嘅琴聲優雅咁去演繹，一係唔做，一做就盡力做好。」

不少網民留言讚MV拍攝水準高，原來幕後功臣是與瑪姬識於微時、剛在昨晚（23日）《中年好聲音》奪冠的周吉佩。她說：「好多謝吉吉喺參賽期間咁忙都抽時間幫我拍MV。其實我哋入行前已經喺參加歌唱比賽嘅時候認識，咁多年嚟大家都無放棄追夢，縱然我專注咗主持工作，而佢亦都曾經轉戰幕後，但好開心見到佢終於夢想成真，絕對係實至名歸。」瑪姬透露其實第二首自彈自唱 cover 亦早已完成拍攝，笑言：「而家最擔心係吉吉贏咗冠軍之後，太忙無時間做後期製作。」 （編輯：游子欣）

瑪姬自資出歌，並由剛在昨晚《中年好聲音》奪冠的周吉佩執導其MV。（相關機構圖片）

瑪姬與周吉佩入行前已在參加歌唱比賽時認識，多年來兩人都沒放棄追夢。（相關機構圖片）